طل علي بسحر جماله
سحر يخلي العمر يطول
كل دقيقه أشتاق لدلاله
أصل جماله مش معقول
الاقيه سارح جوه خياله
وأنا اللي دايما بيه مشغول
يشغلني بفكره وأحواله
يمكن ألاقي أي حلول
قلبي يقولي حبيبك ماله
قلبي بيتمنى القبول
فكري مشغول بوصاله
وأهديه قلبي ووجداني
يسعدني بسمته ودلاله
وأرويه من بحر حناني
وأبقى حبيبه وأشغل باله
وأطير معاه لعالم تاني
وأبقى حياته وكل آماله
عمره مايبعد عني ثواني
غير أحوالي ببسماته
خدني لباب العشق وفاتني
أشعر به وبهمساته
نظرة من عيونه صابتني
قلبي اتألم من نظراته
لمسة إيديه بتطببني
(((أسامه جديانه)))
ليست هناك تعليقات:
إرسال تعليق