في رمضان
**********
في رمضان قرآن يجمعنا
وذكر وفرح مع التراويح
ساعة المغرب بتجمعنا
والأطفال تلعب وتصيح
والطبلية بخيرها معنا
عليها الخير والاكل مريح
والله ياشهر الصوم ماجعنا
فضلك وافر فيه تسابيح
غني وفقير مجبور الخاطر
شهر كريم يشفي المجاريح
في رمضان المولى ساترنا
والخير فيه دايما بيزيد
بيوت عمرانه بذكر خالقنا
فرحة وبهجة شموع بتقيد
البال رايق ايه يشغلنا
غير قرآن وتلاوة تفيد
ونزور ناسنا نهني جيراننا
في رمضان القلب سعيد
وفى رمضان قرآن يجمعنا
ونحيي الذكرى بالتقاليد
وفى رمضان
************
جمال على الشرقاوى
شاعر العامية
مليج منوفية
ليست هناك تعليقات:
إرسال تعليق