مسكت نفسى
***********
مسكت نفسى من الغضب
عشان صنايعى اليوم نصب
سرق حاجاتى بالحيل
مش هى دى شيم العرب
هى الطيابة فى الزمن
ده تبقى عيب
والصدق ليه ولى
والحال عمال يغيب
ياناس حرام طيب الكلام
على اللسان مسك وطيب
تنفع بايه دى سرقتك
بالعكس حتشيم سكتك
ولو كسبت الدنيا
بكره حتخسر آخرتك
النصب ليه بقى عينى عينك
تكسب حرام ليه تنسى دينك
ياابن ادم خد عظة
الدنيا بكره راح تدينك
ومسكت نفسى من الغضب
عشان صنايعى عليا نصب
*******
جمال على الشرقاوى
شاعر العامية
مليج منوفية
ليست هناك تعليقات:
إرسال تعليق