👏نايمين في سبات👏
من كتر الغدر اللي أنا شوفته
مش حاسة أمان
ولا حاسة بطعم الدنيا دي
كلها حرمان
***
والناس مش دارية إلا بحالها
إحساسهم مات
وعشان مصالحهم.. وطمعهم
نايمين ف سبات
***
غرقان الود اللي ما بينهم
ف بحور إهمال
ولا بر وشاطيء يلحقهم
والكتف أهو مال
***
من كتر الحقد اللي ملانا
قلب وإحساس
اهي بارت زرعتنا الصابحة
وهجرها الفاس
***
أصبحنا نقلد وحاجتنا
تقسيط تتجاب
ولا عادت لإيدينا الصنعة
والعيشة هباب
***
طب امتى ح يرجع إنتاجنا
يملا الأسواق
ونصدر قطننا للخارج
و ده له عشاق!
***
كفانا العطلة اللي صابتنا
سبقونا هناك
وبقينا ف خيبة بنستهلك
عايشين فى هلاك
***
الحقوا للباقي اللي معاكم
ده زمنا سباق
والشاطر هو اللي هيلحق
يانموت ف زقاق
***
👏بقلمي/ صفاء الخواجة 👏
ليست هناك تعليقات:
إرسال تعليق