طيبة كما الماس
أنا بحلم أعيش ماانداس
وهدفي أعيش في دنياكم
نقي الإحساس
وقالوا كتير عن الطيبة
هبل وخلاص
فقولت أغير من الطيبة
واجيب كراس
واكتب فيها من الأول
بلاش طيبة بلاش إفلاس
لأن الطيب في دنيتنا
بيتضحكوا عليه الناس
لاقيت طيبتي وإحساسي
بيتسبقوا مع الأنفاس
صرخ عقلي وقالي خلاص
مادمت مصمم تعيش طيب
مابين الناس
هتستحمل أذى غيرك
بضرب الفاس
صرخت وقولت مش قادر
ياناس محتاس
لا انا عارف أغير. قلبي
ولا الإحساس
رفعت الرايا أنا. مسلم
هعيش طيب أنا مسلم
لأن الطيبة فيا أساس
وعمري ماعدت هتندم
ولا ههدم بُنا وأساس
أنا يكفيني أعيش طيب
لأن الطيبة زي الماس
بينظر حسنها. الطيب
كما النبراس
بقلم فهمى محمودحجازى
ليست هناك تعليقات:
إرسال تعليق