الفجر شق ظلام الليل
الفجر شق ظلام الليل
وعم محمد شال فاسه
وقال ياشهين
رد الجدع نعم يا ابا
الصبر جميل
قاله أبوه ياابني
سيبك من التأجيل
الأرض عطشانة
والميه مليا النيل
الصبر ياابني في الشدايد
و الهمة طبع جميل
سيبك من اللي يأجل عمله
وينام طوال الليل
الهمة طبع الرجال
والعزم للرجولة دليل
والعزة للي يعمر
ويزرع وعمره مايبقى ذليل
لايطلب من الجار لقمته
ولاعمره يبقى عويل
رد الجدع كلامك صح ياابا
وانت أكبر دليل
كرامتك تاج على راسك
وعلى راسنا ياحر يابن النيل
بقلم الشاعر فهمى محمود حجازى
ليست هناك تعليقات:
إرسال تعليق