لسه باقي
أنا قلبـــــــي لســـه بيسأل الدنيا عليـــك
انا لسه روحي في عـــــز شوقها بتناديك
لو كنت قدَّرت اللـــي كان بينـــي وبينـك
عمـــرك ما كنت فارقتنـــي واسـأل عنيك
-------------★-------------
أيام زمان كنت الأمان اللي فـي حياتـــي
ورسمتلي أجمل طريق أمشيــــه يوماتي
لقيت معـــاك روحـــي في هواك دايبــــه
من يوم م غاب شوقك وانا زادت أهاتـي
-------------★-------------
حالف ما يسكن قلبــــــي غيـــرك للممات
لولسه باقي في عمري أعيشه ع الذكريات
انا قلبي راضي مهمـــا كنت أنا بشتكيلك
معرفش غيــرك مهما قولت الماضي مات
-------------★-------------
مع كل لحظه عيشتـــها وياك بتكفينــــي
مهما تغيب عني برضه انت نور عينـــــي
أنا اللــــــي حبيتك ورقتنـــي ورقيتـــك
وياك لقيت دنيا الحنان وبقيت بتروينـي
-------------★-------------
صدقني قلبي في حبه دايب ليــل نهـــار
وقفـــل بيبانـه عليك ودا اخـــر قـــــــرار
عـــرفت معنـى ازاى أحب ولا ان اكـــون
عايش على نار شــوق وحيره وانتظـــار
-------------★-------------
مش نـــــــــاوي احب واعـــيش بقــــلب
خفيــــــف ومش عـــــــــارف يحـــــــب
إن قلب حب يعــيش بحبـــه مينسهوش
فمتلموش عن اللي حب وعاش فــي نـار
-------------★-------------
من ديوانــــي الجــــديد
( حبك قـــــــدر )
بقلم محمـــــــــود فوده
ليست هناك تعليقات:
إرسال تعليق