بقلمي/عاطف جمعة
.............................
(حب وعتاب)
فاكر انك شاغل بالي
ابــدا وحياتك ياغالي
*
لاعمري يوم فكرت فيك
ولا فكـرك سهرني ليـالي
*
لاعيني يوم شافت خيالك
ولا طيـٕفك مـر بخيــالي
*
كل الحكاية مجرد حـلم
أواللي بينا ده كان تسالي
*
فاكر اني ف يوم هاشتاقلك
ابــدا . ده انـت . بيتهٕيألك
*
ايه يعني مرة حلمت بيك
ولقيت مشاعري بتناديـك
*
ايه يعنى مرة قولتلك
انا بعشقك او دوبت فيك
*
ايه يعنى قولت إني بَحبك
وحبك عندي ملوش شريك
*
عمرك ماكنت ف قلبي حاجة
ولــو كنت فاكر غير كده
دي تبقى نوع من السذاجة
*
الحب مش شكل وقــوام
ولا فكرة جاتني فى المنام
*
ده الحب لما يزور صحابه
يتآلفوا زي جـوز حمــام
*
الحب ده رحمة ومــودة
وعوضنا عن كل اللي عدى
الحــب . لُحـمة . والتـئام
*
الحــب يفنـي نفسه فيـنا
ويدوم ما
دامت روحنا فينا
مش قصة وتمر بسلام
ليست هناك تعليقات:
إرسال تعليق