عهد
عبدالمنعم عدلى..مصر
إيه يادنيا
حالك ماله
كده معايا
هو إنت مضيت
عهد معايا
ذنبى إيه
ولامفيش غيرى أمامك
من حفرة الى حفرة
حتى وصلت
لعمق الجب
فاضل إيه
فيك يادنيا
ناسك خلوا بيا
وخانوا عهد
حب الإخوة
فى وسط الطريق
مشيوا وسابونى
والطريق طويل
والليل مظلم ومعتم
وأنا وحدى
أنعى حظى
ليه يادنيا
حالك معايا كده
شفت فيك القهر
وماظلمت أحد
ويشهد ربى
من صغر سنى
جوه الحيط
مستنى حظى
فكرت فى يوم
أروح البحر
وأعمل صياد
طلعت ليا سمكة
إفتكرت إنها بلطية
صفعطنى على وجهى
وقالت إنت مش ليا
أروح فين وأروح لمين
حتى السمك
مش راضى بيا
هو فيه إيه يادنيا
من هم الى هم
ده شئ مايتلم
إنكسر قلبى
ونزفه سال
د حتى نجيمات صغيرات
فى حنايا السماوات
ضحكت عليا
عملت فيك
إيه يادنيا
راضى بحظى وقسمتى
يمكن بكره فى
حاجه تانيه مستخبيه
بقلمى عبدالمنعم عدلى
ليست هناك تعليقات:
إرسال تعليق