.. إحتياطي ..
..................
قلبي مش ع الدكة
قاعد إحتياطي
قلبي فى الملعب
لاعب ..... أساسي
.......
ومتقوليش دا واخد
كارت أصفر ومُعرض
للإيقاف
.......
بشويش عليه
قلبي من عيونك
قَرب يخاف
......
ياريت تقابلني
بإبتسامة ... وكام
كلمة .... لطاف
.......
وتعالي نسعد قلوبنا
ونمحي سنين الجفاف
.......
ياللي ضحكاتك لكل
جروحي .... دوا
.......
لازم إيديا تكون
في ... إيديكي
وننهى رحلتنا سوا
.......
محتاج أملا صدري
بإنتعاش وإنتي
أكسو
چيني من الهوا
.......
خليكي ... نسمايتي
أكونلك ياعمري
على نفس المستوى.. !!
.......
ف عيونك الحكم.. وحكمك
دايماً عليا ... قاسي
رافع شعار الشوق
ومش عامل نفسي ناسي
.......
يا دنيتي ... وناسي
من صفارة البداية للنهاية
أنا بيكي ... لاعب أساسي !!
.......
قلمي
م. حمدي توفيق
ليست هناك تعليقات:
إرسال تعليق