"زمن الأوضاع المقلوبة"
سجال بين الشاعرين
م. حمدي توفيق
م. محمود الحريري
*********
🏮م. حمدي
بِالعَرَبِي ... الفَصِيح
الدِّيك ... فِي بَلَدِنَا
بَطَل ....... يَصِيح
وِبَقِينَا فِي .... زَمَن
البَرَابِر وَالفِعْل القَبِيح
🏮م. محمود
زمن فظيع...
شفنا المبادئ ...
فـ الزحام ..بتضيع
إحنا فـ زمن التفاهة ..
والرقص الخليع..
***
🏮م. حمدي
وَالثَّعْلَب ...... المَكَّار
لَابِس .. تُوب المَسِيح
بِيِفْتِي فِي .... الدِّين
وِيِحَلِّل .. دَم الذَّبِيح
🏮م. محمود
بيقدم .. النصايح
وهو أصله .. وضيع
وبيخلط الحقائق
ويقلب المواضيع
***
🏮م.حمدي
وَالبُلْبُل ...... الشَّادِي
فِي قَفَصُه بَات جَرِيح
مَمْنُوع مِن ... الغُنَا
بِأَمْر سَجَّانُه القَبِيح
وَالبُومَة زَهْزَهَت أَيَّامْهَا
وَمِبَقَاش يِهِزَّهَا رِيح!
🏮م. محمود
البلبل نفسه يطير
ويغني للربيع
يحلم فـ يوم يتحرر
ويعيش فـ الدنيا وديع
بكره الأيام هتعدي
والبومة مصيرها شنيع
***
🏮م. حمدي
يَا مِيت خَسَارَة عَلَيْنَا
شَبَابْنَا نِسْيُوا إِنَّهُم
مِش مِحْتَاجِين تَلْمِيح
وِإِن الرُّجُولَة بِتِتْوِلِد
صَخْرَة فِي وِش كل قَبِيح
🏮م. محمود
كلمة خسارة قليلة
قرفونا بالتقاليع
شفنا الرجولة بتندبح
بفعل ناس مراقيع
***
🏮م. حمدي
وَالِّسِت خِلْعَت تُوب
الوقار وَاسْتَرْجَلَت
جَهْرًا بدون .. تصريح
مَاتِت شَهَامَة وِضَاع حَيَا
وَكلامي ..... للتوضيح
مِلْيُون خَسَارَة.. حَوَّلُوا
نِعَم رَبِّنَا.. لِقُبْح وَقِيح!
🏮م. محمود
فين الوقار .. فين الحيا ؟
ليه السلوك ...
بقى شيء مريع ؟
حتى البنات
بقوا ليه كده؟
ليه البرود طال الجميع؟
ملناش مغيث غير ربنا
يبعت لنا .....
مدده السريع .
--------------------------
بأقلام الشعراء :
م. حمدي توفيق
م. محمود الحريري
ليست هناك تعليقات:
إرسال تعليق