تزعل ليه .....؟
تزعل ليه ........ الرزق عليه
طلعت نزلت .. زادت نقصت
راحت بعدت ...... تزعل ليه
عمرك شفت واحد مات م الجوع
و لا فقير مسكين جفت له دموع
ولا بنص لسان له كلام مسموع
و لا بجيب مليان عايش جربوع
خيره نازل مالي بطون
خلق كثير جدا ماتحس الجوع
رزق جميع الخلق ............ عليه
سرك خبيه ف عبك يرضيك ربك
احمد واشكر مخلاص عام الجنيه
عام او غطس الجنيه رزقي عليه
بص ياراجل ........ خليك متفائل
هو انته ضمنت العيشه ل بكره
وفيت شكر المنعم علي دي النعمه
قمت دعيت ........... عمرة البيت
بعدت شيطان ...... قمت اتوضيت
صليت اديت الفرض بعقلك فكرت
طهرت القلب................. قلت يارب
فتحت كتاب ربنا ............ وقرأت
فقت اتعلمت........ ومشيت للرحمن
عملت زي ما عملوا جدودنا زمان
كانوا بيحيوا السنه و تعاليم القرآن
عمر الواحد............. منهم شال الهم
ولا عاش................ منقوع في الغم
طول ما مٱمن أن الرزق بيد المولي
ليه بتعكر دمك ليه
طلعت نزلت ضاعت خربت زادت
نقصت قول أزعل ليه الرزق عليه
عابد الفقي
ليست هناك تعليقات:
إرسال تعليق