انا الميت الصاحي
انا اللي عمره ماعاش
انا اللي في الإنعاش
انا شهيق وزفير
وده النفس الأخير
عايش لكن ميت
والتربة مالهاش كبير
عمرك شوفت تربة
عليها غفير
خليك جوه عشك
مااقدرش يابني اغشك
وهيجي يوم وتطير
عايش لكن ميت
وبحلم اكون ميت
اصل الدنيا دي
مش عاجباني
دايما بتقسي عليا
ودايما مألماني
الدنيا كارهاني
طظ فيكي يادنيا
مادمتي وجعاني
علمتني الدنيا
اكره مااحبش تاني
وغيرت طبعي
وموتت وجداني
لكن كفاية يادنيا
راحل لعالم تاني
الظلم فيه ممنوع
ولاحزن فيه ولاالم
بختم بها الموضوع.
مجدي عبد الرؤوف
ليست هناك تعليقات:
إرسال تعليق