إذاعة قلبي
أعلنت إذاعة دقات قلبي
انها مَلت من كتر الحب
واستسلِمت ورفعت الراية
وقلبي نِسي انه اتحب
قلبي اتقلب جوه ضلوعي
ولما اتقلب سموه قلب
واحترت ف بحر غرامي
كل م اوصل للشط أطب
دا قلبي نبضاتي بريئة
مش ناوي ينبض كدب
حالي يقول بطلت أحبك
وانت ساكن الروح واللب
انوي كمان اتوب من حبك
وامسح دمعي وأبطل ندب
وأتوه توحشني شوارع قلبك
والقلب يدب مكان م يحب
بان عليا الحب وغيرتي
وبداري قبل م ناره تهب
دا انا كنت بضحك علىٰ نفسي
ورجعت تبت وقولت يارب
كلماتي:
الشاعر: حليم محمود أبو العيلة
مصر
ليست هناك تعليقات:
إرسال تعليق