سجال حر
✨ماتيجي ونتعاتب✨
بتفوتني وتبعد وتلاوع
وأنا قَعدة استناك واتمنى
واعد واحسب فى ليالي
واتمنى تجيني ونتهنى
***
العمر اتسرسب. مارحمنا
والقلب انينه بيوجعنا
فى رجوعنا نودع أحزاننا
وكفانا اللوم من عزالنا
***
طب يلا ماتيجي ونتعاتب
تسمع لي وانا اسمع ونسامح
والشك بعيد نبعده خالص
ده عزولنا ياناس له كلام جارح
***
ليه عاجبك نجرح ف قلوبنا
ونصيبنا نعاند ونقاوح
تعالى لي نكيد ونغيظ فيهم
ونخلي بذور الهوى طارح
***
ح نحقق أحلام نسيناها
وتغني قلوبنا وتتهادى
ناسيين للحزن وأسبابه
وبلاش فى خصامك تتمادى
***
ح نودع ماضي ماكان لينا
وفى ليلنا نولع قناديله
ودموعنا تتوه وتودعنا
والفرح يكيل لنا ليله
***
✨بقلمي/ صفاء الخواجة ✨
ليست هناك تعليقات:
إرسال تعليق