مشاعر قلم ..
...............
صدقيني .. الكلام اللي كتبته
من مشاعر حس صادق
حس أول مره اعيشه
نبض قلب وعاش لشوقه
والمسافات اللي بينا قربتنا
لما عاش الحلم صاحي
افتكر اول ماشوفتك
نظرتك لي بعيونك
حللت معنى وجودك جوه قلبي
فكت الشفرات بقلبي
وابتديت اوصل حروفك
وامزج العبارات مابينا
حس متملك ومالك
يحكي احوالك بحالي
نبرة الصوت اللي جاتني
سجلتني جوه منك
و اللي جاني لحد عندي
من حروفك .. يمحي خوفك
لما حسيتك فى قلمي اشتياقي
شوق وبيقربني منك
غصب عني وغصب عنك
اوعي تفتكري اني ناسي
والا تفتكريني قاسي
والا تفتكريه اغاني
عمري إحساسي ماخَني
واللي جبني لحد عندك
روح بتتملك حنيني
سطر قلمك من ملامحي
يشبهك صوت جوه صورة
يرسمك جوه فى ملامحي
حرف محتاج للتمني
وانسجك جوه فى حروفي
وبرضايا .. يعيش هوايا
وانت نبضي من وريدي .. صدقيني
قبل منك كنت باكتب ايوه باكتب
بس محتاج روح لروحي
يكتمل للنبض معنى
يوصل الاحساس طموحي
.قلب بيطبب جروحي
واما حسيتك معايا
الامل زود طموحي
كلمات الشاعر .
.حسن السحماوى
ليست هناك تعليقات:
إرسال تعليق