"كفاية خصام"
------------------
الحب قَدَر ولُقانا نصيب
والشك مرض في القلب يصيب
تخاصمني ليه وتروح وتغيب
ماكفاية خصام ياأعز حبيب
ليه بس نعيش في قلق وهموم
ونكون في جحيم وخصامنا يدوم
ده العمر بيخلص يوم ورا يوم
ماكفاية خصام ياأعز حبيب
طول ماانت بعيد باشتاق لعنيك
والروح دايما بتنادي عليك
ليه بس العند الله يخليك
ماكفاية خصام ياأعز حبيب
انا نفسي يعود تاني غرامنا
ونكمل مع بعض حياتنا
وياريت تنسى قلوبنا زعلنا
وكفاية خصام ياأعز حبيب
في بعادك حاسس إني غريب
والقلب مشعلل نار ولهيب
برجوعك جرح القلب يطيب
وكفاية خصام ياأعز حبيب
ده الحب قَدَر ولُقانا نصيب
والشك مرض في القلب يصيب
تخاصمني ليه وتروح وتغيب
ماكفاية خصام ياأعز حبيب
-----------------------------------
بقلمي ؛
م. محمود الحريري
ليست هناك تعليقات:
إرسال تعليق