🦋ستي قالتلي🦋
حارب.عافر.اوعاك تيأس
خليك دايما م الفرسان
فشلك منه بلاش .تتهرب
اوعاك ابدا تبقى مُهان
متصدقش الضحك ف وشك
من ورا ضهرك تلقى جبان
احفظ نفسك واحمي لسيرتك
كل حياتك تبقى أمان
وعت ستي كتير وقالتلي
متخليش بالقرب شيطان
إن كان صاحب أو من أهلك
يبنوا لك م الود كيان
فجأة ح ينسوا الملح وعيشه
بايعين ليك ينسوا العرفان
زي ماسيرة غيرك جابوا
سيرتك جابوا .ونعتوا كمان!
لما تعوزهم وقت الزنقة
ح يزوغوا زي. الرهوان
اللي بيشبع بعد الجوعة
ينسى لأصله ياسيدي كمان
غدره كبير . لو يدفا تلاقي
سمهُ كأن معاك تعبان
أحفظ نفسك من شيطانك
امشي بدينك و القرآن
دايم ربك ومفيش غيره
خالد من جنس الإنسان!!
خلي نصيبك جنة ربك
لما تشوف وجه الرحمان
🦋بقلمي/ صفاء الخواجة 🦋
ليست هناك تعليقات:
إرسال تعليق