..... عيد ميلاد ......
**************
في عيد ميلادك يا.......
بَهدي جناين ورد
مع أحلى ياسمين ونرجس
لأحلى وردة بجد
عليها خفة دم
ماشفتهاش على حد
وعيون ماتقدر تقاوم
ليها لحد اللحد
عسلي على بشرة
سمرة
والشعر موج الهد
الليل في كل الدهور
جواه لحد السد ..
سامحيني لو قلت نفسي
أطبع بوسة ع الخد
واخد أيديكي في أيديا
يا أحلى واجمل وعد
واتوه في دنية عيونك
واخد عليك العهد
للموت راح افضل حبيبك
وتكوني ليا المجد
ياريتني دمعه في عيونك
تسيل على اجمل خد
وتموت في اجمل شفايف
من صنع واحد فرد
فيها الربيع والهنا
والفجر ويا الشهد
ياريتني افضل في حلمي
للموت ياريت يارب ..
بقلمي .. الشاعر ياسر فؤاد الجدي
أعادة نشر .. لحد الموت ؟
ليست هناك تعليقات:
إرسال تعليق