سِيلْفي
الليلة ليلة دُخلتِكْ
وانا العَريس
ياما شوفت ف جنتِك
خير الهويس
عايش أتمنىٰ مَحبتِك
ولِيلِي خرمس غطيس
اَبْني واكمل مَادنِتِك
بتراب تبر نفيس
لاجل م تِكْمَلْ زفتِك
القمر لِيكي ونيس
فيكي اللي عاشق ضِلِّتِك
أصيل بتباهىٰ وحسيس
وخجل مِدَّاري ف ضِحكتِك
عواطف كلها أحاسيس
ع المسرح لسه بطرحتِك
دا انا ليكي سمير وأنيس
وماكنتْ كومبارس ف دنيتِك
وحضني كان متاريس
واخدانا سيلفي
ف فرحتِك
م انت العروسة وانا العريس
الفرحة مرسومة ف خطوتِك
ما انتي فؤادة وانا عتريس
كلماتي:
الشاعر: حليم محمود أبو العيلة
مصر
ليست هناك تعليقات:
إرسال تعليق