رِتم الحياه
رِتم الحياه بقى سريع
بقى مخيف للجميع
بيتسرسب العمر من إيدينا
سنة ورا سنة قدام عنينا
مابنلحقش نتهنى ببعضينا
بيسرقنا الخريف م الربيع
رِتم الحياه بقى سريع
********************
رِتم الحياه بقى ملذات
الكل بيجري ع الفلوس
نسينا ربنا لية بالذات
إتغيرت لية النفوس
بنشتري جراح وبنبيع
بيتسرسب العمر من إيدينا
سنة ورا سنة قدام عنينا
مابنلحقش نتهنى ببعضينا
بيسرقنا الخريف م الربيع
رِتم الحياه بقى سريع
********************
رِتم الحياه مع النت
خلى عقلنا منا يشت
من ولد ولا بنت
عاملين فيديو بمنشيت
بمحتوى فارغ وفظيع
بيتسرسب العمر من إيدينا
سنة ورا سنة قدام عنينا
مابنلحقش نتهنى ببعضينا
بيسرقنا الخريف م الربيع
رِتم الحياه بقى سريع
*********************
رِتم الحياه لو نستغلُه
ف رضا ربنا ومانضىلُه
هنكسب كتير ف قُربه
هتلاقي محبه تحت ضِله
ويطبطب عليك الشفيع
بيتسرسب العمر من إيدينا
سنة ورا سنة قدام عنينا
مابنلحقش نتهنى ببعضينا
بيسرقنا الخريف م الربيع
رِتم الحياه بقى سريع
يوسف أبو زينة
21/9/2025
ليست هناك تعليقات:
إرسال تعليق