ألوان الليل (780)
..............
ملناش ولا ضحكه
ورا الصورة
ونبات وقلوبنا ومكسورة
أيام بتعدي ما حاسبينها
بنداري جراحنا المحفورة
وعذاب الليل جاي ورايح
وتماللي وعايشين في إمبارح
نتمنى نشوف حلم لبكره
نخلع ثوب صمت
لخوف كالح
جوانا لا حاسين أيه مالنا
وراضينا نكون طير مش جارح
قافلين باب دارنا على حالنا
نغزل ثوب عفه بخيط صالح
لا فاتونا نكمل في طريقنا
وساقونا بغصب وجع مالح
نتمايل حبه نقف حبه
راسمونا خيال ناقصه ملامح
ألوان الليل كلها مايه
وجذور الخوف شكلها واضح
نهرب من بكره ليوم تاني
نهرب من شوك زرعه الطالح
وهنفضل كده مكسور حالنا
ما الثوب عراه صمت إمبارح
بقلم .. صبري رسلان
ليست هناك تعليقات:
إرسال تعليق