الفلاح
*****
مين يتكلم ع الفلاح
والله دا أصل لكل نجاح
وهو المبانى لكل صروح
يتعب يشقى مسا وصباح
عارف رب وبيصليله
فخر وعزة إيمانه ودينه
بيزرع خير ناكل من ايده
ورضى المولى خير يديله
الفلاح لو يوم يتأخر
مش راح ناكل ونحوه اكتر
زرعت إيده بتكفينا
فى رى الأرض تلقاه يسهر
شوف البلدة اللى انت لابسها
وقبل ما تاكل لقمة تبوسها
دى من زرعه
وضربة ايده
دى ضربة فاسه كتير بنعوزها
الف تحية للفلاح
اللى حياته تملى كفاح
راعى مصالح شعب بحاله
وهو البانى لكل نجاح
الف سلام وتحيه لإيده
هى سبب كل الإصلاح
ومليون ورده للفلاح
**************
جمال على الشرقاوى
شاعر العامية
مليج منوفية
ليست هناك تعليقات:
إرسال تعليق