!!أوعى تِصدّق!!
ناوى تَصدّق يبقى هتتعب....
أصل الناس مش زى زمان...
فاشل ناجح حاول تهرب....
وقت الشدة كله يبان....
بسمة ف وشك غلّ ف ظهرك...
واللى يعزك يبقى شيطان....
اوعى لسرك حد يغرك....
إنسى ف يوم تشعر بأمان....
أهل الحكمة قالوا زمان...
إن الحيطة ليها ودان...
تاكل عيش أو ملح معاهم....
بعد ثوانى تشوف طغيان....
أجمل واحد وأنت قصادهم....
بس تغيب بتكون تِعّبان....
اللى بيشتم حد قصادك....
واللى يجيب سيرة إنسان....
إعرف ان الدور هيجيلك....
يحكى ف سيرتك ويّا فلان....
دنيا غريبة صبحت غابة.....
واللى بيوصل أصله جعان....
إقفل بابك على أحبابك...
لو لسه جواك إنسان....
صفى قلبك سبح ربك ....
زود وردك م القران...
ده اللى خلقنا قال ف كتابه....
كل من عليها فان....
كلماتى علاء محمود
ليست هناك تعليقات:
إرسال تعليق