مش ناسي
***********
مش ناسي لحظة كنت فيها
فى يوم معايا
ولا حنسى حتى ضحكتك
بتزيد هوايا
وحضن قلبك دنيتي
ولمستك هى هنايا
ومش ناسي
*************
ازاي راح انسى حب عاش
ومازال منور قلبنا
وحنين لقانا ونور خطانا
فى الربيع تحت الشجر بيضمنا
ياقلب مليان بالأمل
مستني طب بالشوق سعدنا
ومش ناسي حبك
****************
مش ناسي منك كلمة حلوة قلتها
ياما قلتي ياعمري وياحبي وروحي
وكنت اقابلك في ايدي وردة قطفتها
ونظرة عنيك لمسة ايديك بتزيل جروحي
نقعد سوا ونفرح سوا ونمشي سوا
وأسمى معاني الحب كات بتزيد طموحي
وازاي راح انسى
***************
ومستحيل ابعد فى يوم
عن حب نساني الهموم
عن وردة لسه مفتحة
فى حضن قلبى وعايشة دوم
والحب لسه فى قلبي دايم
ولا لحظة تنتابه الغيوم
وازاي راح انسى الحب
لسه الحب بينا راح يدوم
ولا عمري
حنسى
***************
جمال على الشرقاوى
شاعر العامية
مليج منوفية
ليست هناك تعليقات:
إرسال تعليق