غصب عنى
*********
بعدت عنك غصب عنى
مش بايدى تهت منى
لحظة ينتابنى السكات
وارمى نفسى فى الآهات
واترمى فى حضن الشقا
وابقى مشغول بالساعات
ماهو غصب عنى
غصب عنى الدنيا وخدانى لبعيد
واحدة منى هنايا وانى اكون سعيد
عشت فيها تعبت فيها
ولحد دلوقتى ياقلبى مفيش جديد
بس حنعيش بالأمل
والطموح فى حياتى هو دا المفيد
وغصب عنى
غصب عني إنى مقدرش التزم
بوجود جنبك كل يوم
فى زمن زادت معاه أعباء
وزاد معاه كل الشقا ويا الهموم
والأمانى اتبددت والطموح
أصبح عدم والفكر غطاه الغيوم
وغصب عنى
غصب عني نفسى اشوفك
توهتنى الدنيا عنك ياحبيبى
كنت لما لحظة المح فيها طيفك
يدق قلبى وانت فى الأحزان طبيبى
بكره نفرح باللقا ويدوم هنانا
وتبتسم لينا الحياة ويانفس طيبى
وغصب عنى
***********
جمال على الشرقاوى
شاعر العامية
مليج منوفية
ليست هناك تعليقات:
إرسال تعليق