عقد الوفا (768)
............
عقد الوفا مني فرط
وعاشرنا ناس طلعوا غلط
في الضهر عين لها ألف وش
والوش بان
وفى قلبه غش
ياما شيلنا ياما
في همهم
وأيدينا تمسح دمعهم
أيام بنبكي لحزنهم
نفرح لفرحه قلبهم
فاتونا غصب عننا
ما طمرش فيهم ملحنا
باعوا في عشره ودنا
فاكرين بعادهم تبكي عين
وإحنا خلاص
مش نادمانيين
لفراقكم غير متأسفين
ونقول لكم متشكرين
ولا عاد تعود وتشوفكوا عين
نبصم شمال نبصم يمين
جواكوا نار قايده لسنين
أول ما تحرق تأذي مين
قلوب مريضه ومغرورين
وما فيش علينا ليكوا دين
نقر نحن ونعترف
كده مرتاحين
بقلم .. صبري رسلان
ليست هناك تعليقات:
إرسال تعليق