😢ضميرنا الحي😢
زعلانة منك ياضميري
لامتى تلاحقني بأحزان
لا مرة بتخالف فيها
ولا راضي تسكت بالنسيان
***
الكل حوالينا .يعيشوا
فساد وسرقة ونهب كمان
لاضمير ..بينقح ويعاتب
ولا عانى ليل بايت سهران
***
عايشين حياتهم وصابونة
بتغسله لو قال ده حرام
ينام وتنعس.. احلامه
وصبحه ييجي بكل سلام
***
لا عيب معاهم بتفيدهم
ولا درس نافع ويا كلام
راكنين لدينهم وحديثه
ناسيين إلهنا وكل علام
***
ده زيي ياما كتير عانوا
وعن ضميرهم مافي غياب
ف دنيا لاقوا هموم وآلام
وخافوا منه ف يوم له حساب
***
يارب.. خفف معاناتنا
كابشين ايدينا لنار وعذاب
ومهما ظلم نعيش ونلاقي
عاشقين لجنة وليها إياب
***
😢بقلمي/ صفاء الخواجة 😢
ليست هناك تعليقات:
إرسال تعليق