😢 عن رسالة 😢
حاسة إني وحدي عايشة
غايبة عني حاجات كتير
راحة ..جوه مني تايهة
نَفسي ضايع ف الأثير
***
سطري ناقصه الحرف ييجي
يكتبه.. ويبوح بصدق
عن أماني فايتة شعري
لحنها ف القلب دق
***
عن رسالة.. فيها ب ابكي
جوه منها كلام و مُر
فيها ليلة ضلمة.حالكة
كان ماليها عذاب وضُر
***
عيني تتلفت .. عليهم
اللي فاتوا ..قلبي غُر
وفى طريقي شوك بيألم
شوقي ليهم طيره حر
***
خوف ماليني بيناديني
عيشي يومك رافضة ظلم
اوعي تبني آمال عليهم
حققي فى الفجر حلم
😢بقلمي/ صفاء الخواجة 😢
ليست هناك تعليقات:
إرسال تعليق