طريق و طريق ( 102 )
.....................
وفر أعذارك وكلامك
وبلاش تعاتيبني
جوايا أنا شايل متحمل
وأخريتها تسيبني
لا أنا كنت أتصور وأتخيل
مع غيري تروح
وفى لحظه تهد اللي بنيته
بأيديك مدبوح
ولعت النار ورميت فيها
أحاسيس جوايا
بالوش التاني تقابلني
وتقوللي منايا
ولأخر الدنيا إنت معايا
وهموت لهنايا
صدقت كلامك بجنوني
وبقلبي الطيب
أتاريك غدار بعت غرامي
مع صاحبي قريب
ومشيت وجريت
ورا نزواتك
ربك ما يساييب
غشاش ما خلاص خدت جزائك
قطع في ورودك
ورماك فى الوحل وراح دايسك
محروم من عودك
تستاهل كل اللي جرالك
ما تفيدني دموعك
شيل ذنبك إبعد لا تجيلنا
ولا حتى نشوفك
إختارت طريقك هيجيلك
يا النار يا الجنه
بدعيلك تغرق في دموعك
من الغش إتهنى
بالنسبه لقلبي خلاص فاتك
عالينا سدودك
وطريقك أبعد من بابنا
وميه لأ لرجوعك
بقلم .. صبري رسلان
ليست هناك تعليقات:
إرسال تعليق