"أعز من الوِلْد"
-----------------
رب العباد فرح قلبي
أهداني أحفادي حبايبي
وحبي ليهم يملا الكون
باتعافى لما يكونوا جنبي
ومهما كان الوِلْد عزيز
أعز منه .. وِلْد الوِلْد
من غير تحيز ولا تمييز
حضن الحفيد بيدفي الجد
أحفادي دول ضي عيوني
وباحبهم ... ويحبوني
في صلاتي دايما بادعيلهم
واقول ياريت يفتكروني
هما الأمل، وحياة الروح
بيصبروني على الأيام
بلسم لـ أي وجع وجروح
وحياتي بيهم تبقى تمام
غلاوتهم عندي ماتتقدر
لو شيء زعَّلهم باتكدَّر
شقاوتهم أجمل مافي الكون
بتخلي الفرحة تعيش أكتر
يارب.. بارك خطاويهم
واحميهم من أي شرور
وتحقق ليهم أمانيهم
واهديهم لطريق النور
-----------------------------
بقلمي: م. محمود الحريري
ليست هناك تعليقات:
إرسال تعليق