رسمت صورتك
كل العيون ممكن تتنسي
الا عيونك انت متتنسيش
ولو عرفت انك في مكان
صعب أطنش ومجيش
لأنك كل حاجة ف حياتي
دا أنا ف دنيتي غيرك مليش
أحلم أنام جوه حضنك
وأتمنى الزمن ميصحنيش
وان غاب القمر عن سكتي
مين ينورلي أيامي غيرك مفيش
يا كل الحنان والطيبة
جيت عليك كتير ومزعلتيش
لأنك الدار والدوار والحنين
بدونك الوقت يعدي وميجيش
واكل من عنيك الحلو كله
لكن م أشبعش علشان مبسميش
وأمشي واتسكع جوه قلبك
دا قلبك نيل وكورنيش
كانت حياتي ف قربك رضا
والعزال ما رحمونيش
واتحسدنا والدنيا اتبدلت
وبقيت في الحب أعمى وغشيش
راموني وياهم مع نرد حظ
والحظ يومها م دنيش
ورميت زهري ف طاولة مقفولة
وعمري م شفت معاهم شيش
عشت عمري أشتهيك
وارمي شباكي ف حضنك واعيش
كنت الحضن والفرحة والبيت
ورسمت صورتك ع الازاز والشيش
وياما حلمت تصبحي في دنيتي
وتقعدي بين التحف ف النيش
كلماتي:
الشاعر: حليم محمود أبو العيلة
مصر
ليست هناك تعليقات:
إرسال تعليق