نظرة عينيك
بعشق كل شىء حواليكي وفيكي
شجرك ووردك وكل خير أراضيكِ
وبحرك ونهرك وليلك وفجرك
وعزك وفخرك أنا منهم وليكِ
فضلت ف هواكي أحايل وادادي
احترت ف جمالك وازاي أرضيكِ
ياللي النجوم تاج على جبينك
عاشق سهران بطوف حواليكِ
مادد لك ايديا بعمري وحياتي
نَفَسِك دا عطري وبشتاق اليكِ
أغازل شمسك وقمرك ورمشك
وأدوب ف حضنك ولمسة ايديكِ
واكتب قصايد ف حسنك ورسمك
وأسكر وأتوه من نظرة عنيكِ
نخلنا العالي يغير من قوامك
وروحي وقلبي يطوفو حواليكِ
كلماتي:
الشاعر: حليم محمود أبو العيلة
مصر
ليست هناك تعليقات:
إرسال تعليق