الربيع العربي (كتبتها بعد ثورات الربيع العربي مباشرة )
إنهيار و خراب ديار
و ليل طويل مالوش نهار
ربيع بينخر فى العروبة
و شرخ غائر فى الجدار
و الرطوبة فى كل طوبة
و العطوبة في الجوار
و الملح دايب فى العذوبة
و الخريف داس الخضار
يا ربيعنا إهدى حبة
ريح الغرب جاية هبّة
و أصحاب عجل له خوار
خلف تبة بتستخبى
بص أبعد م البعيد
بص ع اليمن السعيد
و سوريا و العراق و ليبيا
في كل شبر نار تقيد
و صرخة شارخة فى الصدور
لمصرنا بدر البدور
عشان إخوانا بجهل وقفوا
شوكة في سقف حلق زور
يا ربيع بلاش نضيع
ليه بتخلط الأمور
الوليد لساه رضيع
و البدن فيه الضمور
يا ربيع خليك حكيم
الدخيل إبن اللئيم
بيشيع نار الفتنة فينا
نار بترعى فى
الهشيم
قصدي أقولك إصحى فوء
بص تحت و بص فوق
الربيع معناه خضار
و فجر شايل الشروق
و لما يطلع النهار
و النهار دايما جهار
نوره يكشف الغموض
المستخبي ورا الستار
بقلم طارق السيد
ليست هناك تعليقات:
إرسال تعليق