أمي
****
مهما طالت بالعمرالسنين
عايش ياأمي جوايا الحنين
كل لحظه في عمري ياأمي
بعيشها في بعادك حزين
قلبي ياأمي من غيرك مليان آنين
محتاج للمسه من إيديكي الطيبين
محتاج دعاكي والملايكه بعد منه
تقول أمين
محتاج لحضنك الدافي
اللي جواه بحس إني
رجعت تاني جواكي جنين
محتاج لصدرك أرتمي جواه وابكي
قلبي وعيوني عاوزين يشتكولك
قد إيه هما مجروحين
كل يوم بدعيلك ياأمي
وإدعيلي إنتي ...عند رب العالمين
إدعيلي علي فراقك أكون م الصابرين
ياأغلي حب عايش في قلبي ودمي
حتماً ح نتقابل في دار الخالدين
ح نتقابل عند رب العرش
اللي بتوسل إليه تكوني في عليين
وجارك الحبيب المصطفى سيد المرسلين
********************
إبنك حبيبك
عبدالفتاح والي
ليست هناك تعليقات:
إرسال تعليق