عايش على ذكرى (246)
.....................
أنا البياع
وأنا القاسي
وأنا الأوجاع
وأنا العايش على ذكرى يجوز ترجع
راضينا نصدق الكدبه
في ود إتباع
نداري في خوفنا
من بكره في حلم وضاع
ودق القلب والدمعه
وليل أوجاع
أنا العاشق
وأنا الباكي وأنا الجلاد
أنا السجان لأحزاني
في كهف هناك
وأنا المظلوم والظالم
في أرض ملاك
حضنا الورد طال شوكه
أيدين شيلاك
أنا الخايف أقول بكره
وأمسي معاك
أنا الحالم أشوف شوقي
اللي غاب جواك
أنا اللي هنسى أوجاعي
في حضن لقاك
أنا العايش على
ذكرى وهستناك
بقلم ..صبري رسلان
ليست هناك تعليقات:
إرسال تعليق