نظرك ضعيف
ــــــــــــــــــــ
بتشوفي ناس،وتدوسي ناس
وناس تجيلها على المقاس
وناس تعيش على دم ناس
وجيب معبّي وجيب نضيف
وناس بتسكن فى القصور
وناس وعاشين فى القبور
وناس تشوف الضلمة نور
وناس تعيش تحت الرصيف
وناس وعايشة أصحاب مقام
فى الفخفخة واكل الحمام
ما يهمهاش هتعيش بكام
ولا تسأل ايه سعر الرغيف
وناس تعيش احسن حياة
وناس فى جوعها لمنتهاه
وكثير ما يلقى يا ناس عشاه
عميان دليلهم كان كفيف
العدل فين يا خلق هوووه
شبعان بيشرب دم اخوه
وان يوم صرخ ملعون أبوها
مرضيش يطاطي
وعاش عفيف
مش شايفه ليه يام الولاد
والا أنتِ سايقه فى العناد
وان كان على الليل والسواد
الكل بكره ينام خفيف
كلمات
عبد الرحيم على
ليست هناك تعليقات:
إرسال تعليق