"باب السعادة فين"
-------------------
باب السعادة فين
دلوني ياناس عليه
تايه بقالي سنين
ياريت في يوم ألاقيه
قلبي حزين مسكين
والهم عشش فيه
والدمع مالي العين
من كتر شوقي إليه
...........
قالوا السعادة نصيب
وكمان قدر مكتوب
قلتلهم فين نصيبي
ده القلب قرب يدوب
قالولي أُصبر تنول
وتحقق المطلوب
وساعتها هيفرح قلبك
لما تلاقي المحبوب
............
من بعد حبيبي ماسافر
وأنا قلبي حزين مخنوق
مِسْتَني رجوع الضحكة
والحب يروي العروق
واتمنى ف يوم يفتحلي
باب السعادة واروق
والفرحة تعرف طريقي
واشوف.. نور الشروق
---------------------------
بقلمي؛؛
م/ محمود الحريري
من ديواني " لسه بنعاني "
ليست هناك تعليقات:
إرسال تعليق