.....أحوال الناس ....
أحوال الناس صورة وصوت....
وشوش مهمومة وحيرانة....
الضحكة الصافية بشروط....
أحلام مهزوزة وجبانة....
....
بضباب مفروشة سكتهم....
والليل بقى حالّك ومعشش...
ولا حد بيسمع شكوتهم....
م الخوف الكل بيتوشوش...
....
يا بلاد الخير راح فين خيرك....
يا خزاين يوسف جاوبيني....
طول عمرك خيرك على غيرك....
مين اللي قالك تنسيني....
.....
قدمت الغالي علشانك....
مستني بكره يفرحني....
بقى حالك يصعب على حالك...
ومصمم ظلمك يجرجني....
....
أغاني وغنّينا أغاني...
وكتبنا كل الأناشيد ....
بتراضى الكل ونَسياني...
ولا مرة بتوّفي بمواعيد ....
.....
سموكي بلاد المحروسة....
والكل بيشهد بتاريخك....
خطواتك كانت مدروسة....
عظماء الدنيا عارفينك.....
....
صبحت أحوالك متّسرش....
واليوم بيعدي بالكاد....
وعينيكي علينا متبصش....
والحلم خدوه الأوغاد....
.....
رغم أن بحبك راح ألومك.....
وافضفض ليكي بأوجاعي....
رافض اعدائك وخصومك....
لازم يا بلادي اكون واعي
...
كلماتى علاء محمود
ليست هناك تعليقات:
إرسال تعليق