سارق الفرح (131)
...............
ويا ريت يا قلبي
من الهوى تعمل حسابك
مش كل نظرة تشغلك
تفتح لي بابك
داهن لي قلبك بالغرام
من كل لون
عايش في دور روميو
البطل ساحر عيون
سارق في فرحه كام قمر
ويا النجوم
غرقانه فاكره همستك
جواك تعوم
كان غيرك أشطر راح تدوق
طعم الجنون
هتوه لا تعرف حتى أنا
ولا أيه أكون
خليك في حالنا
ما تغامرش في الغرام
أخرتها تبكي بالدموع
وتقول حرام
مش فارقه عندك
سمرا بيضا أي لون
ولا جوا وهم معبدك
تهدم حصون
إزاي أطاوعك وأرسمك
طاوس حنون
والغش بحر في دنيتك
بدموع عيون
هييجي يوم فيه تنكشف
وأرتاح وأكون
صادق في حسي إن نطق
ولا فيش ظنون
وهلاقي قلب وأعشقه
ويكون لي لون
وأنسى اللي فات أمس إنتهى
عالي الحصون
من بكرة حلمي إبتدأ
شفاف له نور
بقلم .. صبري رسلان
ليست هناك تعليقات:
إرسال تعليق