الحاره
في الحاره لو تذكرنا زمان
احلي الكلام عمره بيتقال
العشره والبيت الواحد
بيضمنا وكلنا واحد ..
ماتحس انك يوم قاعد ..
قاعد لوحدك تايه حيران
كلام كتير عنها يعلم
ولا تقعد لوحدك ومبلم
الكل جنبك ومن حواليك
والكل جاي عمال يرضيك
بالابتسامه يضحك فيك
يخلق كلام ويحاور فيك
ويحل لك اي مشاكل ..
الحاره
الحاره ودي كلها اهلك
تحس انهم من دمك
ودي فيها خالك مع عمك
كرم الكريم خلالك جدك
كل اللي في الحاره ناسك
بيخلوا دايما احساسك
عالي ومرفوع فيها راسك
الكل بيشاركك رأيك
ولا تلاقي حاجه تهزك
صغير كبير ماهم اهلك
الحاره
اهل الحاره دول محترمين
ليهم كبير وليه الهيبه
كلام جميل مافيهوش عيبه
وكلمته دايما مسموعه
حضر الكبير ولاصوت يعلا
مقدرين كل كلامه
وحكمه نافد ما بيترد
........
اهل الحاره دول نواره
البعد عنهم خساره
متلومش غير نفسك في الحال
في وسطهم مزاجك عال
منهم وبينهم العم والمال
والجد والجار الطيب
جمع البعيد خلاه قريب
اخوات مابينهم اي فروق
متعلم منهم أو جاهل
الواحد بينهم متفائل
بالعيشه وصلاح الأحوال
...أهل الحاره ..
هما دول اهلك .. اهلك لاتهلك
م الاخر ..
اوعاك تسيب أهل الحاره
الجار منهم والجاره
في الاخر تلاقي الكل اخوات ..
عابد الفقي
ليست هناك تعليقات:
إرسال تعليق