( عيشة أهلك ) م/عبالحميد سالم
بيقولوا عيش عيشة أهلك
قلت يا ريت بس فين هي
تعالى يا ماضي على مهلك
وشوف إيه جرى ليا
كانت البساطة طبع الكل
والعيلة بتجمعها طبلية
النهاردة القلوب ملاها الغل
والطيب فيها ملوش دية
********
كان زمان العيلة ليها كبير
وكلمته سيف على رقابنا
يحكم بالحق ولو للغير
ولو رفضنا بعكازه يضربنا
دلوقتي كبيرنا بقى بركة
ونجوم الكورة والتمثيل
بقوا هما القدوة لشبابنا
*****
تقوله عيش عيشة اهلك
ينفضلك... ويزوم ويقول
حياتنا نعيشها عرض وطول
ف ريحنا وخدلك جنب لو عجبك
وعيش فيه الوهم على راحتك
دا احنا ياعمو ف عصر النت
والواد فينا بقى زي
البت
ويا ألف خسارة على جيلنا
ياريت فيه حد بيشبهلك
ليست هناك تعليقات:
إرسال تعليق