وِلد عمي من
بعد سفر طويل
وعذاب وسهر وشيل
وعشان تعيش الاسرة
وهو فى بلاد الغربة
نزل ضعيف و هزيل
كان جاي و عنده أمل
إنه فى يوم يرتاح
اتاري الأمل إنكسر
والست معاها مفتاح
تفتح و تقفل على كِفها
و هو عاطي سماح
يجلس لها فى المدخل
تقوله بره بَراح
قال أروح لمين ياخلق
انا بقيت لوحدي فرد
لا لي سند ولا لي حد
يفتحلي باب ويود
اتاري يا ناس إبنه
شارب الخيانة من أمه
فكر في حيلة غريبة
انه يجبله مصيبة
وقال لكل جيرانه
إن أبوه فى الغربة
كان خان أُمه و خانُه
وراح السِجل بتاعه
عشان يعلن وفاته
و ينفذ كلام ماماته
وهو حي يُرزق
شفتوا ازاي يا جماعة
آلدنيآ دي خداعة
وكل يوم فى ساعة
وادي آخرة المَيلان
الاب تعب كتير عشانهم
وعلى كل شيء أمّْنهم
ولو يعرف الحقيقة
عصفورين فى الايد أضمن
ولا مية على شجرة مانجة
الوقتي أ هُم طردوك
وبعصا وفيها كربوك
و كل يوم فيه عبرة
للتايه و المحكوم ؟؟
يا وِلد خذ النصيحة
و بسرعة
قوم وفوق
* * * * * * *
من بعد سفر طويل
٠ بقلم وكلمات
٠ عبدالرحمن
٠ سعيد
٠ فى يوم الأربعاء
٠ ٢٧/٨/٢٠٢٥
٠ من سيف الدين
٠ المنصوريه طلخا دقهليه ٠ مصر
ليست هناك تعليقات:
إرسال تعليق