هايدي
بنت مصر الله عليها
الشاعر / رضا البوشى
دنيا زي البهلوان
فيها بيه
زي الطاووس
سندريلا
وعنيها ولا عود ريحان
فيها أخرس
نفسه يبقى بغبغان
فيها أحمد
ع الحدود و يا مرقص
فيها نملة على عكاز
حلمها هتموت و ترقص
فيها هايدي
بنت مصر الله عليها
ام ضحكة
زي أوتار الكمان
بنت ابيض م الليالي الصافية
فيها ريحة بلادنا
فيها خير أخضر شبهنا
بين ضلوعها
مستوصف حنان
بنت مصر الله عليها
في الوجع بتشيل بحور
بين كتافها الفسدقي
شلال زهور
وينكسف قدام طيبتها
مخلوقات هذا الزمان
بنت مصر الله عليها
ليست هناك تعليقات:
إرسال تعليق