✍️ الشعر ✍️كلمات الشاعر/ عابد الفقي

 الشعر مش مهنه .. ولا بيأكل عيش ..

ولاعمره كان محنه .. جايلنا ساعة طيش ..

ولاعمره كان حرفه .. نلبس لها الطرابيش .. 

الشعر ...؟ دا إحساس .. ملازمني 

بيجيني .. جايب معاه اخلاص ..

ومشاعر تخليني ..

اقول كتير أقوال ..

تقر بها عيني ..

  ...ساعات بيجي على البال ..

جايب معاه الموال ..

لو نايم بصحيني ..

الشعر ...؟ ف عز عتمة ليل ..

.. الفكره بتجيني .. 

تشغل باطن عقلي ..

وتاخدني من ايدي .. 

تتبلور الكلمه  ..

وتجري ف وريدي ..

اتحركت ايدي كتبت  ..

ندهت  الحرف جاني ..

وسألته عن أهله ..

وسوقت عليه الحروف ..

فيهم اللي راحله وندهله ..

وفتح الببان ورحب به ..

وضمه وحن إليه ..

حروفه فيك جواك ..

من قبلها ملزماك ..

ببحري في دمك 

وتسعد كتر قلبك

عابد الفقي