انواع البشر
***********
اللى شاف المر عايش
واللى داق الشهد عايش
واللى كل الناس عابوها
حتى لو لابسة الغوايش
******************
الاصيل من فعله باين
واللى طبعه يبقى خاين
مستحيل على عهد يقدر
ده خسيس ولا عمره صاين
******************
الغنى مش كله مال
ولا كتر من العيال
الغنى دا غنى النفوس
نفس راضية بكل حال
****************
كل واحد له طباع
فيه بشر زى السباع
وفيه بزئ القول خسيس
للوطن ياما منه باع
****************
تلقى ناس فى غناها فاحش
عائشه وسط الناس فواحش
والفقير منداس عليه
واللى كارهه تملى واغش
*****************
دنيا فانية ومين يصدق
فعله شين للدم يحرق
بالجهاله وظلمه طاغى
بكره يندم نار بتحرق
*******************
واللى عارف للحقيقة
مسابش ذكر الله دقيقة
يقينه أنه لربه راجع
عايش الطاعة بميت طريقة
**********************
ناس تحوش فى الفلوس
وعلى الادين تفضل تبوس
وبخلها زينة حياتها
يسوى ايه طمع النفوس
*******************
واللى عايش يرضى ربه
مكسبه إن الناس تحبه
فى النهاية الكل ماشى
ويابخته اللى إيمان فى قلبه
********************
واللى اكلها بملح عايش
واللى داق الشهد عايش
واللى ضحى عشان بلاده
فى الجنان راح يبقى عايش
***********************
جمال على الشرقاوى
شاعر العامية
مليج منوفية
ليست هناك تعليقات:
إرسال تعليق