✍️تفكرني بايامك ✍️كلمات الشاعر/ محمود القطوعي

 تفكرني بأيامك..

شعر الأستاذ/ محمود القطوعي..

تفكرني بأيامك  ..

وأنا دايب فيها ..

وهيمان  ..

أيام ماكان أبوك..

عايش ..

وفرح الحب كان..

دفيان ..

ونلعب ف الأرض ..

البور ..

وبالميه بتزرع الوان..

ونفرح واحنا ع العتبه..

ونحكي حكاوي ..

بشوق فرحان ..

وبلة قوله بتزغرط..

ف هواها تقرب ويبان..

تناولني وأنا أشرب..

الاقي الشاي بنعناعه..

وكان نشوان ..

شعر الأستاذ/ محمود القطوعي..

وتيجي الشمس ..

تتمرجح ..

وضل الفرح ..

مش حران ..

وطير واقف على..

الأغصان ..

غناه شكوى مع ..

الألحان ..

ويجي الليل معاه..

ندفى ..

ف عون بكره ..

بدون نسيان ..

ويجي الفجر ونصلي..

ونتوكل ع الرحمن..

وويا الأرض وطلبها..

ونبذر زرعها بأمان..

وفيه رايح على شغله..

تحن عليه نعمه بحنان..

ويرجع للولاد رزقه..

ف لمتهم سعد المكان..

وضحكه ترن تتماوج..

مع الروقان ..

وتبقي العيشه  ..

كده فرحه ..

تعب لكن بدون حرمان..

شعر الأستاذ/ محمود القطوعي..