♥️سلمت♥️كلمات الشاعر/ عابد الفقي

 سلمت ..

سلمت ودانك للقيل والقال ..؟

..وبقيت لعبه ف إيد غيرك ..

سلمت مشاعرك للخاينين  ..

  انته يامسكين  ..!

عكرت البال ..! ...هتفوق ..؟

لا دامحال ..

طول ما الوسواس .. وأشر الناس

..عماله تدأ علي دماغك ..

وتزن وتدوش ف ودانك ..

تلخبط علي طول في كيانك

وتشيل وتحط وف اي مكان ..

    ..ترميك.. وتوه فيك

معلوم هتشعلل فيك بركان ..

الغضب المستني علي باب دنياك

هتعافر ..؟

وتدخل يوم جواه .. هتحس الٱه ..

م الالم المستني عشانك ..

..متلمش فيها غير نفسك ..

مانته اللي سلمت ودانك ..

...ادامك .. ادامك فرصه امسك فيها .. مش ممكن ابدا تتكرر ..

وبإيدك انته تخليها .. لحظات 

وتكون حلو المنظر ..

ادام الخلق اوام.. أظهر

إن انته مسلمتش ودانك 

 مسمعتش اي كلام يإذيك

من عالم وحشه كارهينك

اوم .. سلم نفسك للغاليين 

اوم .. كتر كل محبينك ..

..داكلام الناس ..وسواس خناس 

هيلخبط فيك كل كيانك ..

عابد الفقي