إنفصال (168)
..........
طول عمري عايش
ليل طويل
من دار لدار
لا الشمس عايزة تبص لي
ولا جه النهار
حيران مابين أحضان آسى
ونسيم حزين
تايه ما بينهم
فين أنا
من صف مين
ما الحزن علم بالألم
خطين جروح
دوقني قسوة دي ل ده
وعذاب لروح
لا قدرت أعيش بالشكل ده
لجحيم هروح
أقرب ما ليك بيوجعك
بكاك سنين
ودفعت عمرك كان تمن
عايش يتيم
مسجون لصمتي
مفيش أمل
يلقى الوصال
ما الكل عايش دنيته
وأنا فرع مال
ما حياتي لحظة
وهدها حلفان يمين
ووردها طرحت عندي أنا
أشواك آنين
لا الأم حاضنه بسمتي
ولا أيد حنان
والأب كاره شكوتي
وعناده بان
ما الكل عايش دنيته
في هناه ووصال
وده مين هيمسح دمعتي
ونصيبي مال
وذنبي أيه أدفع فاتورة
لإنفصال
ما الأب والأم السبب
فى الإختيار
بقلم .. صبري رسلان
ليست هناك تعليقات:
إرسال تعليق