إسأل مراية غرامك
'''''''''''''''''''''''''''''''''''''''''''''''''''''''''''
إنت فاكر إن قلبك لما يبعد
هيلاقي حد تانى يسنده!!
ولّا حد قالك
إنى ممكن أبعد عن عيونك
إللي لما قلبي شافها
كان هو دا يوم مولده
أقعد وإسأل شجونك
هتحس بكل نظرة من عيونى
فيها سهام الشوق خايفه تفقده
إوعاك تفكر ولو مرة واحدة
إن حد يخطف غرامى
ولّا قلبي حد تانى يهدده
إسأل مراية غرامك
هتقولك كل حاجه بدون مبالغة
إن قلبي كل مناه يخطف هيامك
ويحضن فى قلبك
وكل لحظه يبقي نفسه يسعده
وإللي وهمك إنه يقدر يساعدك
وتقدر تسيبنى
مش هيقدر ولو للحظه
إن يمدده
إيهاب السقا
ليست هناك تعليقات:
إرسال تعليق